NATAGPUAN ng mga residente ang isang biktima ng summary execution na itinapon sa westbound lane ng Quezon Ave, Quezon City, kagabi.
Ang bangkay ng di pa kilalang biktima na nakabalot ng itim na garbage bag at nakasilid sa isang sako ay itinapon malapit sa Ninoy Aquino Parks and Wildlife Center.
Sa inisyal na imbestigasyon ng Scene of the Crime Operatives (SOCO) ng Quezon City Police District, nakatali ang paa’t kamay ng walang saplot na biktima.
Nakitaan din ito ng saksak ng matutulis na bagay sa dibdib at likuran.
May tattoo ito sa dibdib na may pangalang “Rolan” at imahe ng isang tao sa kanang bahagi ng braso.
Patuloy pa ang imbestigasyon ng mga awtoridad para alamin ang may kagagawan ng krimen.
The post Kelot na biktima ng salvage itinapon sa QC appeared first on Remate.