ISA ang patay habang dalawa ang sugatan sa engkuwentro ng mga pulis at mga carnapper sa Maynila, alas-2:10 ng madaling-araw nitong Sabado.
Sa panayam sa biktimang tumanggi nang magpabanggit ng pangalan, sinabi niyang pauwi na siya galing trabaho mula sa isang restaurant sakay ng motorsiklo nang maganap ang krimen.
Pagdating anya sa kanto ng Quirino Avenue at Taft Avenue, hinarang siya ng tatlong lalaking sakay ng dalawang motorsiklo at tinutukan ng baril habang pilit na inaagaw ang kanyang motor.
Nagpumiglas ang biktima at pinatakbo nang mabilis ang sasakyan upang humingi ng tulong sa pulis na anya’y madalas niyang makitang nakaposte sa lugar.
Nang makaabot sa lugar na may checkpoint, pinahinto ng mga pulis ang mga suspek pero humarurot ng takbo ang mga ito at doon na nagkaputukan.
Nasugatan sa engkwentro ang dalawa pang suspek na bantay-sarado ng pulisya habang nagpapagaling sa ospital.
The post 1 patay, 2 sugatan sa engkuwentro ng pulis at carnappers sa Maynila appeared first on Remate.