KAGAT sa kamay ang iginanti ng isang misis sa kanyang mister na sumaksak sa kanya sa Korodonal City kaninang madaling-araw, Marso 15.
Nakakulong na sa Koronodal PNP detention cell at nahaharap sa kasong homicide ang suspek na si Santiago Yap residente ng Purok Bayanihan, Barangay Sta. Cruz, Koronodal City.
Isinugod naman sa pagamutan sanhi ng isang saksak sa tagiliran ang biktimang si Helena Solis-Yap.
Sa ulat, naganap ang insidente alas-2:30 ng madaling-araw sa loob ng bahay ng mag-asawa.
Bago ito, nag-iinuman ang mag-asawa sa loob ng kanilang bahay nang magtalo sa hindi pa malamang dahilan.
Dahil kapwa lasing na, sa gitna nang bangayan ay sinaksak ni Santiago si Helena at upang mabitiwan ang kutsilyong hawak ay kinagat ng biktima ang kamay ng kanyang mister.
Hindi naman nagpatalo, kinagat din ni Santiago ang kamay ng kanyang misis.
Sa imbestigasyon ng Koronadal City PNP, selos ang posibleng motibo kung bakit nag-away ang mag-asawa.
The post Kagat ganti ng misis sa saksak ni mister appeared first on Remate.