NALAGAS sa oplan sita kontra motorcycle-in-tandem ang isang lalaki habang nakatakas naman ang kaangkas nitong babae nang makipagbarilan sa pulisya nitong Linggo ng gabi sa Quezon City, Marso 17.
Dead-on-the spot sanhi ng tama ng bala sa iba’t ibang parte ng katawan ang hindi nakikilalang suspek na inilarawang 35-38-anyos, nakasuot ng t-shirt, maong pants at tsinelas.
Hinahanting naman ngayon ng QCPD operatives ang babaeng kaangkas ng suspek na pinaniniwalaang may dala ng epektus kaya tumakas.
Sa ulat, naganap ang engkwentro dakong 6 nitong Linggo ng gabi sa Nayon St., Barangay San Isidro, Galas, QC.
Ayon kay P/Supt. Victor Pagulayan, bago ang insidente ay pinara ng kanyang mga tauhan na naglalatag ng oplan-sita kontra motorcycle in tandem ang mga suspek sa Welcome Rotonda dahil walang plate number ang kanilang sasakyan.
Pero imbes na huminto, pinaharurot ng suspek ang kanyang motorsiklo pero hinabol sila ng mga pulis at nakorner sa nasabing kalsada.
Sa halip na itaas ang mga kamay, pinaputukan ng suspek na lalaki ang mga operatiba na gumanti ng putok at napatimbuwang agad ang kalaban.
Sa gitna naman ng palitan ng putok, umeskapo na ang babaeng kasama ng suspek.
The post Oplan sita vs motorcycle-in-tandem, 1 lagas appeared first on Remate.