HINIHINALANG selos ang dahilan para saksakin at mapatay ang 37-anyos na lalaki habang kinakausap ng biktima ang dating ka-live-in ng suspek kagabi sa Taguig City.
Dead on the spot ang biktimang si Rafael Geromo III, residente ng R. Reyes St., Marcelino Compound, Calzada Tipas, sanhi ng tama ng saksak sa dibdib habang mabilis na tumakas ang suspek na si Jonathan Martin na ngayon ay tinutugis na ng pulisya.
Batay sa imbestigasyon nina SPO1 Jay Laguerta at PO3 Roger Aquilesca ng Homicide Section ng Taguig police, alas-9 ng gabi nang maganap ang insidente sa Brgy. Calzada Tipas kung saan kausap ng biktima ang dating ka-live-in ng suspek nang sumulpot ito at patraydor na tinarakan ng patalim sa dibdib si Geromo.
Hinala ng pulisya na matagal ng may kinikimkim na galit ang suspek sa biktima na posibleng isa sa dahilan ng paghihiwalay nila ng dating kinakasama.
The post Kelot patay sa tarak sa Taguig appeared first on Remate.