KALABOSO ang isang binatilyo na itinuturong nakapatay sa isang binata habang pinaghahanap pa ang apat na kasama ng una na bumugbog sa biktima sa Caloocan City, Martes ng gabi, Marso 19.
Kinilala ang suspek na si Emmanuel Nicanor, 17, ng Phase 5-A, Bagong Silang ng lungsod habang inaalam na kung sino pa ang mga kasama nito.
Dead on arrival sa Tala Hospital sanhi ng bugbog at saksak sa likod si Michael John Rivera, 33, ng Phase 5-A, Bagong Silang.
Sa ulat, dakong 9:30 ng gabi nang pagbubugbugin ng mga suspek ang biktima at bago tumakas ay tinarakan ni Nicanor sa likod si Rivera.
Inaalam na ng mga pulis ang motibo sa pagpatay sa biktima.
The post Binatilyo, kalaboso sa pagpatay sa binata appeared first on Remate.