NAHATI ang katawan ng isang motorcycle rider nang mahulog sa kalsada at masagasaan ng kasunod na trak sa Cagayan kaninang madaling-araw.
Dead on the spot ang biktimang si Dante Ogalino, 38, ng Bulala, Aparri.
Kinasuhan naman ng reckless imprudence resulting in homicide pero nakalaya na rin agad ang tsuper ng trak na si George Doktor, ng Santiago City, matapos magbayad ng piyansa.
Sa ulat, naganap ang insidente alas-12:35 ng madaling-araw sa national highway ng Barangay Giddam.
Ayon sa PNP Cagayan, sakay ng motorsiklo ang biktima at inunahan ang sinusundang hand tractor sa Barangay Giddam nang biglang mawalan ng kontrol at sumemplang sa kalsada at nasagasaan ng sumusunod na isa pang trak.
The post Rider nahati ang katawan sa gulong ng trak appeared first on Remate.