TATLO ang sugatan matapos hagisan ng granada ang harap ng Police Community Precinct sa Smokey Mountain, Tondo, Maynila, Huwebes ng madaling-araw.
Ayon kay PO1 Kirshmer Buendia, dalawang sibilyan at isang barangay tanod ang nabiktima sa insidente.
Iginiit ng mga awtoridad na hindi sila ang target ng nasa likod ng paghahagis ng granada.
Nagkataon lang umanong pagdating nila sa presinto at pagkaparada ang police mobile ay sumabog ang granada.
Pero isa naman sa anggulong tinututukan ay posibleng may gustong gumanti sa mga pulis ng PCP 1 dahil sa nangyaring engkwentro nitong Miyerkules, kung saan may napatay na isang alyas “Badjao.”
Sa kabuuan, anim na sasakyan ang napinsala at nasira rin ang bubong ng presinto.
Wala namang seryosong nasaktan sa insidente.
The post Community precinct pinasabugan ng granada appeared first on Remate.