PATAY ang 20-anyos na college student makaraang tarakan ng dalawang lalaki sa Sampaloc, Maynila.
Kinilala ang biktima na si Jacinto Noel Genuino, kumukuha ng kursong Electronic Communications Engineering sa Far Eastern University (FEU).
Ayon sa imbestigasyon ng Crime Against Person Section ng Manila Police District (MPD), naglalakad sa lugar ang biktima kasama ang isang kaibigan nang makasalubong sa kanto ng Don Quijote at España Boulevard ang mga suspek na kinilalang sina Greg Dan Balais, 21, dating estudyante ng FEU; at Eric Rivera, 20, estudyante naman ng University of Santo Tomas (UST).
Sa hindi pa matukoy na dahilan, nagpambuno ang mga estudyante at sunod na sinaksak ni Balais si Genuino.
Tinamaan ng saksak sa tadyang at likuran ang biktima na naisugod pa sa UST Hospital.
Kaagad nasukol ang mga suspek na nakatakdang isalang sa pag-uusig sa Manila Prosecutor’s Office.
Nakakuha naman ng kalibre .22 na baril na walang serial number, tatlong bala at isang basyo nito sa pinangyarihan ng pananaksak.
The post College student tigok sa tarak appeared first on Remate.