PISAK ang isang lola habang sugatan naman ang apat iba pa nang madaganan ng punong nabuwal ang kanilang sinasakyang carry multicab sa Murcia, Negros Occidental.
Dead on the spot sanhi ng pinsala sa katawan ang biktimang si Ofelia Acosta, 63.
Ginagamot naman sa Western Visayas Regional Hospital ang mga nasugatan na sina Lea Acosta, Ruby Ann Acosta, ang paslit na si Rose at ang isang taon at dalawang buwang sanggol.
Sa ulat, naganap ang aksidente ala-1 kahapon ng hapon sa Barangay Alegria, Murcia.
Bago ito, dumadaan sa nasabing lugar ang sasakyan ng mga biktima nang biglang bumigay ang puno at eksaktong nabagsakan ang nasabing behikulo.
Nangyari ang aksidente habang bumubuhos ang malakas na ulan at pinaniniwalaang bumigay ang patay na punong-kahoy nang lumambot ang lupa na kinatatayuan nito.
The post Lola utas sa napisak na multicab appeared first on Remate.