ARESTADO sa isinagawang follow-up operation ng Manila Police District ang nang-rape sa 12-anyos na babae sa Tondo, Maynila.
Nabatid na alas-11 ng umaga kanina nang maaresto ang suspek na si Evert Espanillo, alyas Berto, 29, truck helper ng Sta. Monica Trucking at nakatira sa Unit 12 Aroma, Temporary Housing, Tondo, Maynila.
Isinailalim ang suspek sa interogasyon sa MPD-PS1 bago itinurn-over sa MPD-headquarters.
Ayon kay PSupt. Julius Anonuevo, station commander ng MPD-Police Station 1, nakatanggap sila ng impormasyon na namataan ang suspek sa isang lugar sa Pasay City kaya agad silang nakipag-coordinate sa awtoridad.
Una rito, natagpuan ang biktimang si Josephine Dealagdon, ng Building 30 Unit 29, Aroma, Temporary Housing, Tondo, Maynila na walang saplot, nakabalot ng maruming kurtina sa ilalim ng kama na gawa sa kahoy alas-3 ng hapon kahapon.
Nakitaan din ng mga sugat ang biktima sa leeg,braso at mukha.
Huling nakitang buhay ang biktima kamakalawa ng alas-7 ng gabi matapos utusan ng kanyang ina na bumili ng mineral water pero hindi na nakabalik pa sa kanilang bahay.
The post UPDATE: Suspek sa 12-year old rape slay arestado na appeared first on Remate.