SIYAM ang arestado sa drug raid sa Dasmariñas, Cavite, alas-4:00, Miyerkules ng madaling-araw.
Kabilang sa timbog ng awtoridad ang anim na lalaki at tatlong babae nang salakayin ng Cavite Provincial Police Office ang ilang kabahayan sa Barangay Datu Esmael.
Pinaniniwalaang nagbebenta ang mga suspek ng ipinagbabawal na gamot partikular na ang shabu at nag-iingat din ang mga ito ng matataas na kalibre ng baril.
Notoryus sa pagbebenta ng shabu ang lugar kung saan isinagawa ang operasyon.
Narekober ang ilang baril na kalibre .45, 9mm, mga bala ng M16 at M14 pati na ang isang granada.
Nakuha rin sa operasyon ang isang kilo ng hinihinalang droga, dalawang kiluhan, shabu at iba’t ibang drug paraphernalia.
The post 9 arestado sa drug raid sa Cavite appeared first on Remate.