BINUBUSISI na ng Manila Police District (MPD) ang dalawang bangkay na natagpuang nakasilid sa balikbayan box na magkasunod na natagpuan sa Maynila.
Ayon sa ulat ng MPD, unang nakita ang nakakahong bangkay nitong hatinggabi sa may palengke ng Bambang sa Sta. Cruz, Maynila.
Sumunod na nakita ang isa pang kahon na may lamang bangkay sa Quirino Avenue, tapat lamang ng Ospital ng Maynila.
Sinasabing magkahawig ang kahon ng mga ito pati na ang pagkakalagay ng packaging tape kaya maaaring iisang grupo lamang ang nasa likod ng dalawang insidente.
Hinihinalang ang dalawa ay pinatay sa ibang lugar at itinapon lamang sa nabanggit na lugar para iligaw ang awtoridad sa imbestigasyon.
The post Magkahiwalay na bangkay sa box, posibleng gawa ng iisang grupo appeared first on Remate.