PITO ang nasugatan nang tumaob ang isang pampasaherong jeep makaraang salpukin ng pampasaherong bus sa Commonwealth Avenue, Quezon City kaninang umaga, Abril 4, 2014, Biyernes.
Kinilala ang mga nasugatan na sina Angeline May Umbais, 21, dalaga, Mary Grace Bascara de Leon, 28, dalaga, Raynan Francisco, 19, binata, Algen Espina , 21, binata, Analene Francisco, 42, may-asawa, Mary Jane Avesruz, 17, binata at ang driver ng pampasaherong jeep na si Rolando Velasco, 45, may-asawa.
Ayon kay Traffic Enforcer Charlie Banate, naganap ang insidente sa northbound lane ng Commonwealth Avenue, QC sa harap ng Human Rights Commission (CHR) Brgy. Diliman, QC, 7:45 ng umaga.
Sinabi ni Banate na sakay ang mga biktima ng pampasaherong jeep na minamaneho ni Velasco na biyaheng Cubao-Arayat Fairview (TVP-657) patungong Fairview nang salpukin ng isang pampasaherong bus.
Dahil sa lakas ng pagkakasalpok, tumaob ang naturang jeep na dahilan ng pagkakasugat ng mga biktima.
Agad isinugod ang mga biktima sa pinakamalapit na pagamutan dahil sa mga natamong pinsala.
The post Jeep vs bus, 7 sugatan appeared first on Remate.