PATAY ang isang 23-anyos na bicycle rider matapos tamaan ng dalawang gulong na kumalas mula sa isang trailer truck sa kahabaan ng southbund lane ng Road 10 sa Tondo, Maynila kahapon.
Kinilala ang biktima na si Johnny Balasa, base sa nakuhang company ID sa kanyang katawan.
Hinala ng Manila Traffic Bureau (MTB), nakatayo ang biktima nang mahagip ito ng gumulong na gulong ng truck dahil naka-park ang kanyang bisikleta sa tabi ng kalsada nang maganap ang insidente.
Sa imbestigasyon, nalaman na dalawang malalaking gulong sa harapan ng trailer truck ang biglang kumalas habang umaandar at biglang gumulong sa direksyon ng biktima na nagresulta ng kanyang kamatayan.
Sumuko naman ang driver na si Mark Anthony Villa sa MPD enforcement Unit.
Nakatakda namang sampahan ng kasong reckless imprudence resulting to homicide si Villa habang nangako naman assistance ang may-ari ng truck sa pamilyang naiwan ni Balasa.
The post Kelot, todas sa kumalas na gulong ng trailer truck appeared first on Remate.