NALAGAS ang limang katao, kabilang ang tatlong bata nang pagsasaksakin ng hindi pa kilalang suspek sa loob ng isang apartment sa Kayang St., Baguio City.
Kinilala ang mga biktima na sina Joey Nociete, 9, Dave John de Guzman, isang Raymond, Jacquelyn Kale Nociete, 19, at Jonalyn na katulong sa bahay.
Ayon kay Dr. Rodrigo Real, medico legal officer ng Scene of the Crime Operatives (SOCO)-Baguio, namatay ang mga biktima dahil sa mahigit 10 saksak na sa iba’t ibang bahagi ng kanilang katawan.
Sa ngayon, iniimbestigahan pa ng awtoridad ang motibo sa insidente at wala rin silang narekober na kutsilyo na ginamit sa pananaksak sa mga biktima.
Pinaniniwalaang nangyari ang pamamaslang bandang alas-3:00 ng hapon kahapon, Linggo.
Napag-alamang isang linggo pa lamang na lumipat ang mga biktima sa apartment bago naganap ang karumal-dumal na krimen.
The post 3 bata, 2 pa utas sa masaker sa Baguio appeared first on Remate.