MARCOS, ILOCOS NORTE – Patay ang dalawang magkaibigan matapos pagbabarilin ng riding-in-tandem sa Barangay Daquioag, Marcos, Ilocos Norte noong Linggo ng hapon.
Kinilala ang mga biktima na sina William Benavidez at Antonino Baltazar, parehong residente ng Barangay Barikir, Nueva Era, Ilocos Norte.
Sa imbestigasyon, tinatahak ng mga biktima lulan ng motorsiklo ang national highway ng Barangay Daquioag nang may tumabing motorsiklo sakay ang dalawang ‘di kilalang lalaki.
Isa sa mga suspek ang bumunot ng baril at pinaulanan ng bala ang mga biktima.
Nagtamo ng iba’t ibang tama ng bala ng baril sa katawan ang mga biktima at namatay habang isinugod sa pinakamalapit na ospital.
Sa ngayon, patuloy na nagsasagawa ang Marcos police ng manhunt operation laban sa suspek at patuloy na iniimbestighan ang kaso.
The post Magkaibigan inutas sa lansangan appeared first on Remate.