RIZAL— Arestado ang apat katao kabilang ang dalawang menor-de-edad matapos maaktuhang nagdaraos ng pot session kaninang madaling-araw sa Cainta.
Kinilala ang mga nasakote na sina Aries Estabillo, 18; pinsang si Gerald Estabillo, 18, kapwa ng 3792 Kingfishers St., Anakpawis, Brgy. San Juan at alyas “Jan” at alyas “Meng”, kapwa 17-anyos ng nasabing lugar.
Sa ulat, alas-12:15 ng madaling-araw nang masakote ang mga suspek sa Falcon Ave., cor. Hornbill St., Anakpawis, Brgy. San Juan, Cainta, Rizal.
Nagsasagawa ng routine patrol ang mga kagawad ng Cainta PNP nang may magbigay ng impormasyon kaugnay ng nagaganap na pot session sa nasabing lugar.
Nabatid pa na naaktuhan pa ng pulisya ang mga suspek na humihithit sa improvised smoking pipe na may lamang pinatuyong dahon ng marijuana.
The post 4 na bagets tiklo sa pot session appeared first on Remate.