ARESTADO ang dalawang Tsinoy matapos mahulihan ng 10 kilo ng shabu o katumbas ng P120 milyon halaga sa isinagawang pagsalakay ng mga tauhan ng Manila Police District sa isang Tower Mall sa Binondo, Maynila.
Kinilala ang mga nadakip na sina Jhon Chua ng 168 Street, Valenzuela City at Anthony Ang, ng 195 P. Sevilla Street, Caloocan City .
Alas-5:30 kaninang madaling-araw nang maaresto ang dalawa sa City Place Square Tower Mall habang humihithit ng marijuana.
Naamoy ito nina P03 Francisco Manago at P02 Richard Sibayan ng MPD PS#11- SAID kaya nilapitan nila ang dalawa at sinita.
Ininspeksyon din ng nasabing mga pulis ang traveling bag ng dalawa at dito tumambad ang 10 kilo ng shabu.
Iniimbestigahan na ang nasabing mga suspek.
The post P120-M shabu nasabat sa 2 Tsinoy appeared first on Remate.