MULING binulabog ng bomb threat ang Gateway Shopping Mall sa Cubao, Quezon City, kaninang umaga, Abril 11.
Tulad nang nangyari nitong nakaraang Huwebes din ng umaga, isang empleyado rin ng Accenture sa Gateway mall na tumangging magpakilala ang nakatanggap ng text message na nakasaad na may sasabog na bomba sa kanilang establisimento alas-8 ng umaga.
Sa pangambang makatotohanan, itinawag ng security personnels sa Cubao police station 7 ang banta sa kanila.
Nagsagawa naman agad ang mga tauhan ng Explosive and Ordinance Division ng QC Police District (QCPD) ng panelling inspection sa buong mall.
Pero makalipas ang halos kalahating oras, negatibo ang nasabing shopping mall sa anumang uri ng pampasabog.
Bago pa man magbukas ito, idineklara nang ligtas ng awtoridad ang pagpasok ng mga kostumer sa mall.
The post Cubao mall nabulabog sa bomb threat appeared first on Remate.