GINAHASA na, pinaso pa ng sigarilyo sa katawan at pinalo ng PVC pipes ang 4-anyos na nene ng adik na kapitbahay sa Valenzuela City Miyerkules ng gabi, Abril 9.
Nadakip naman si Jhon Noven Baylon, ng Tibagan, Ugong ng lungsod.
Sa ulat, alas-7 ng gabi, papunta ang biktima sa tindahan upang bumili ng bubble gum nang harangin at dinala ng suspek sa kanilang bahay.
Nagawang pagsamantalahan ng suspek ang biktima at bago pakawalan ay pinaso ng sigarilyo ang katawan nito saka hinampas ng PVC pipes.
Umiiyak na nakauwi ang biktima sa kanilang bahay at nang tanungin ay nasabi ang ginawa ng suspek na naging dahilan upang samahan sa presinto ang nene.
Sa follow-up operation ay nadakip ang suspek na umamin sa ginawa at sinabing lango siya sa droga nang maganap ang insidente.
The post 4-anyos ginahasa, pinaso at pinalo ng PVC pipes ng adik na kapitbahay appeared first on Remate.