DAHIL sa utang, isang tricycle driver ang tinodas ng kanyang kumpare sa Cebu nitong Linggo ng gabi, Abril 14.
Dead-on-arrival sa pagamutan sanhi ng tama ng bala ng kalibre .38 sa leeg, tiyan at braso ang biktimang si Roel Ybañez, 22, ng Sitio Alaska, Barangay Mambaling, Cebu.
Pinaghahanap na ngayon ng pulisya para panagutin sa krimen ang suspek na si Gilbert Labitad, kumpare ng biktima.
Sa ulat, naganap ang insidente alas-11:15 nitong Linggo ng gabi sa bahay ng biktima.
Bago ito, nag-iinuman ang magkumpare at nang malasing, nabanggit ng biktima ang utang sa kanya ng suspek.
Imbes na magpaliwanag, minasama ito ng suspek kaya sa gitna ng pagtatalo ay inilabas nito ang kanyang baril at pinutukan ang kanyang kumpare bago tumakas.
The post Dahil sa utang, kelot todas sa kumpare appeared first on Remate.