NAKUWELYUHAN ng pulisya ang mag-inang abortionist at kanilang mga kostumer habang aktong nagpapalaglag ng sanggol sa Zamboanga City kaninang hapon, Abril 17.
Nakakulong na ngayon sa Women’s and Children Protection Desk (WCPD) ng Zamboanga City Police Office (ZCPO) ang suspek na si Evelyn Laurente Utuh, 48, residente ng Barangay Arena Blanco, Zamboanga City kasama ang dalawang kustomer nitong sina Wagee Agee Ramos Condeno, 23, at Flordeliza Guevara Francisco.
Dinala naman sa Department of Social Welfare Development (DSWD) ang anak ni Utuh na sadyang hindi pinangalan dahil sa pagiging menor de edad.
Ang 12-anyos na dalagitang anak ni Utuh ang assistant ng kanyang nanay sa paglalatag ng abortion.
Sa ulat, naganap ang insidente dakong 10:00 ng umaga sa isang bahay sa may P. Lorenzo Street sa sentro ng bayan ng Zamboanga City.
Bago ito, minanmanan muna ng awtoridad ng ilang linggo ang aktibidades ng mag-ina nang makatanggap ng impormasyon na nag-aabort ang mga ito kapalit ng malaking halaga ng pera.
Nang makatiyak, agad na sinalakay ang naturang bahay at naaktuhang ang mag-inang naga-abort ng kanilang customer.
The post Mag-inang abortionist, 2 kustomer, tiklo appeared first on Remate.