NAGKALASOG-LASOG ang mga buto ng isang lola nang suwagin ng motorsiklong minamaneho ng isang bumbero sa Albay kaninang umaga, Abril 22.
Dead-on-the-spot sanhi ng tinamong pinsala sa iba’t ibang parte ng katawan ang hindi pa nakikilalang lola na tinatayang 60-65-anyos.
Nasa kustodiya na ng Tabago City PNP ang suspek na si Joseph Cano, 49-anyos, miyembro ng Bureau of Fire Protection (BFP) sa Taabago City at residente ng Barangay Magtagbac.
Sa ulat, naganap ang insidente alas-9:45 ng umaga sa tapat ng Tabago City Plaza sa may Ziga Avenue, Albay.
Bago ito, sakay ang suspek ng kanyang Yamaha crypton na may sidecar at tinatahak ang naturang kalsada nang biglang mahagip ang tumatawid na biktima.
Sa lakas ng pagkakasalpok, tumilapon ang biktima bago pumalo ang ulo sa sementadong kalsada.
Plano namang sagutin ni Cano ang bayarin sa pagamutan at ipinangako rin ang pagtulong sa pagpapalibing ng biktima.
The post Lola utas sa motorsiklo ng bumbero appeared first on Remate.