BUMAGSAK sa pagamutan ang isang lalaki nang aksidenteng mabaril ang kanyang ari habang umiihi sa Negros Occidental ngayong hapon, Abril 29.
Isinugod sa Manapla Health Center pero inilipat din sa Teresita Jalandoni Provincial Hospital sa Silay City sanhi ng tama ng bala ng kalibre .38 sa ulo ng ari ang biktimang si Robert Rubido, 38, ng Barangay 1-A, Manapla, Negros Occidental.
Sa ulat, naganap ang insidente alas-12:20 nitong Martes ng hapon sa isang damuhan sa nasabing barangay.
Bago ito, naglalakad ang biktima sa lugar nang tawagin ng kalikasan kaya pumunta sa damuhan para umihi.
Pero sa kamalasan, nakalabit nito ang gatilyo ng kanyang baril habang nagbababa ng zipper ng kanyang pantalon.
The post Habang umiihi: Kelot nabaril ang sariling manoy appeared first on Remate.