TIMBOG ang isang punong barangay at tatlong iba pa sa isinagawang buy-bust operation sa Dumangas, Iloilo.
Ang mga nasakote ay sina Punong Brgy. Teofisto Gomez, 56, ng Brgy. Calao, Dumangas; Michael Libo ng Brgy. Cuartero, Jaro, Iloilo City; Mark Jason Diamante ng Brgy. Poblacion, Dumangas at Judy Demafilis ng Brgy. Ilaya III, Dumangas.
Ang mga naaresto ay nabilhan ng P500 halaga ng shabu at narekober din ng mga awtoridad ang anim na bulto ng shabu na tinatayang nagkakahalaga ng P160,000, M16 rifle at .40 caliber pistol.
Ayon kay S/Supt. Cornelio Salinas, director ng Iloilo Police Provincial Office (IPPO), ang nahuling punong barangay ay isang high value target.
Napag-alaman na si Gomez ay panglima na punong barangay na nahuli sa Iloilo dahil sa iligal na droga.
Ang operasyon ay isinagawa ng Dumangas PNP, intelligence operatives ng IPPO at Iloilo Public.
The post Kapitan, 3 pa timbog sa buy-bust operation sa Iloilo appeared first on Remate.