ISANG lalaki ang napatay ng pulis makaraang mang-hostage ng matanda at isang bata sa Aurora Boulevard, Cubao, Quezon City kagabi, Mayo 4, Linggo.
Nagtamo ng pinsala sa katawan ang napatay na suspek na nakilala lamang sa alyas na Edwin, dating tindero.
Sa ulat ni PO1 Rogelio Corpuz ng Quezon City Police District station 10- Kamuning, unang hinostage ng suspek ang isang matanda sa bahagi ng Aurora Boulevard, Cubao, Quezon City, alas-6:00 kagabi.
Nakawala ang matanda sa suspek kaya muli itong nang-hostage isang batang babae na nakilalang si Joanna Tipay, 14, ng Cubao, QC.
Makalipas ang ilang minuto nagdatingan na ang mga pulis at nagkaroon ng negosasyon.
Hanggang sa nagkaroon ng pagkakataon ang mga pulis na mabaril ang huli nang tangkain nitong tumakas habang hawak ang bata.
Isinugod ang suspek sa East Avenue Medical Center (EAMC) subalit namatay din habang ginagamot.
The post Hostage taker utas sa pulis appeared first on Remate.