SAN FABIAN, PANGASINAN – Patay ang 40-anyos na lalaki nang barilin ng hired killer sa harap ng kanilang bahay sa San Fabian, Pangasinan.
Ang biktima ay nakilalang si Alejo Madiaga Jr., ng Barangay Blaoen, nasabing bayan.
Sa imbestigasyon ng San Fabian Philippine National Police (PNP), nakatayo ang biktima sa harap ng kanilang bahay nang lapitan ng lalaking nakamotorsiklo.
Walang sabi-sabing bumunot ang naka-motor ng baril at pinaputukan sa ulo ang biktima.
Agad na tumakas ang suspek pagkatapos ng pamamaril.
Ang biktima ay namatay bago pa dumating sa pagamutan.
The post 40-anyos kelot itinumba ng hired killer appeared first on Remate.