MULING naantala ang salvage operation ng USS Guardian sa Tubbataha Reef dahil sa malalaking alon sa karagatan kung saan nabalahura ang barko.
Ayon kay Coast Guard Spokesperson Lt. Commander Armand Balilo, umaasa silang gaganda ang panahon upang masimulan na ang operasyon.
Kaugnay nito, nakatakdang ibalik sa pantalan ng Puerto Princesa ang BRP Romblon ng PCG maging ang crane ship na SMIT Borneo at Jacson25.
Matatandaan na isang buwan na rin mula nang sumdsad ang USS Guardian sa Tubbataha Reef na ikinapinsala ng mga coral sa lugar.