SUGATAN ang dalawang sundalo nang pagtatagain ng isang may diperensya sa pag-iisip sa Iloilo kaninang umaga, Hunyo 6.
Nagtamo ng taga sa batok ang biktimang si Corporal Roel Lires, 42, ng Brgy. Alibunan, Calinog habang si Corporal Malala naman ay nagtamo ng mga sugat sa magkabilang kamay.
Sa panayam kay Major Ray Tiongson, public information officer ng 3rd Infantry Division ng Philippine Army, nangyari ang insidente dakong 9:00 ng umaga sa labas ng Camp General Ceferino Carreon sa Brgy. Libot, Calinog, Iloilo.
Ayon sa nakasaksi, nilapitan mga biktima ang suspek na nakatayo malapit sa gate ng kampo at tinanong kung ano ang kanyang pakay.
Hindi sumagot ang suspek na bigla na lamang silang pinagtataga saka tumakas.
The post 2 sundalo, sugatan sa taga ng may sayad appeared first on Remate.