UPANG ikubli ang krimen, kasamang sinunog sa loob ng kanyang sariling sasakyan ang bangkay ng isang kilalang negosyante na dinukot at pinatay sa Davao City nitong nakaraang Sabado, Hunyo 7.
Bagama’t halos nasunog na ang buong katawan ni Ramon Sanny Garcia, may-ari ng Nanay Bebeng Restaurant, nilaslas ang leeg nito at nakatali ang mga kamay at paa ng alambre.
Binalutan din ang mukha nito ng masking tape na senyales na pinahirapan muna ito bago patayin.
Natagpuan ang bangkay ni Garcia kaninang alas-3:45 ng madaling-araw sa loob ng isang nasusunog na kotse sa tabi ng bangin sa may Sitio Bolton, Baluyan, Malalag, Davao del Sur.
Bago ito, dinukot ng mga hindi nakikilalang armadong kalalakihan ang biktima nitong Biyernes ng gabi saka dinala sa hindi malamang direksyon.
Makalipas lamang ang ilang oras, may nag-report sa pulisya na may nasusunog na kotse sa tabi ng bangin sa Sitio Bolton.
Rumesponde naman agad ang mga tauhan ng Malalag PNP at nakitang halos ubos na ang kotseng sinilaban at nakita ang bangkay ni Garcia sa loob nito.
Isa sa tinitingnang motibo sa pagpatay kay Garcia ay extortion.
The post Businessman tinortyur saka sinilaban appeared first on Remate.