TIGBAK ang isang opisyal ng Quezon City Police District matapos tambangan ng riding-in-tandem sa Quezon City kaninang hapon lamang, Hunyo 8.
Kinilala ang napatay na si P/Insp. Rodelio Diongco, nakatalaga sa QCPD station 12 intelligence division.
Ayon sa QCPD Tactical Operation Center, naganap ang insidente alas-2:10 ng hapon sa IBP Road, harap ng Civil Service Bgy. Batasan Hills, QC.
Nabatid sa ulat na sakay ng kanyang owner type jeep ang biktima nang pagbabarilin ng mga suspek na ‘di pa nakikilala.
Sinabi pa sa ulat na nagawa pang makaganti ni Diongco sa mga suspek subalit nag-jam ang baril nito base na rin sa ginawang pagsisiyasat.
Matapos ang pananambang tumakas ang mga suspek sakay ng motorsiklo.
The post QCPD official utas sa pananambang appeared first on Remate.