SAKIT sa katawan ang inabot ng isang lalaki matapos pagbubugbugin ng magtiyuhin nang hindi nagbayad ang una sa ininom na beer sa tindahan ng mga huli sa Caloocan City, Lunes ng gabi, Hunyo 9.
Nang magamot ay dumiretso sa presinto si Alejandro Gonzales, 38, ng Balagtas St., Bagong Barrio ng lungsod.
Nadakip naman sina Salvador Tesoro, 52, at pamangkin na si Allan Feliciano at mga kalugar ng biktima.
Sa ulat, alas-7:30 ng gabi, nagpunta at umorder ng beer ang biktima sa tindahan ni Tesoro sa nasabing lugar.
Matapos ito, hindi binayaran ni Gonzales ang binili dahilan upang komprantahin ni Tesoro hanggang sa pagsusuntukin ng huli ang una.
Dumating si Feliciano na nakitulong sa pambubugbog kay Gonzales hanggang sa may tumawag ng mga tanod at naawat ang kaguluhan.
Nagpagamot si Gonzales bago nagpunta sa presinto at inireklamo ang magtiyuhin.
The post Kelot bugbog-sarado sa ‘di binayarang beer appeared first on Remate.