PATAY ang dalawa katao nang suwagin ng rumaragasang delivery van ang footbridge sa EDSA-Quezon Avenue sa Quezon City, kaninang madaling-araw.
Sa imbestigasyon, kapwa pahinante ng closed van ang mga namatay na biktima, isa sa mga ito ang kinilalang si Biner Pagindol, habang sugatan ang driver na si Eduardo Pabunita na aminadong nakainom ng alak at matulin ang patakbo.
Nabatid na bago sumalpok sa paanan ng footbridge ang van ay may nabangga pang isang babae ito sa bahagi ng Balintawak.
Sunod nito, may humabol na taxi sa van kaya nagmabilis ng takbo at naaksidente.
May lamang mga gulay ang nasabing van.
The post Footbridge sa QC sinuwag ng van, 2 todas appeared first on Remate.