ARESTADO sa entrapment operation ng National Bureau of Investigation (NBI) ang dalawang tauhan ng Bureau of Fire Protection (BFP) dahil sa pangingikil kapalit ng fire safety certificate para sa isang pribadong paaralan sa Cebu City.
Ayon sa NBI, isang opisyal ng paaralan ang hiningan ng 2 tauhan ng BFP ng P30,000.
Bukod dito, inalok din ang nasabing opisyal na bumili ng fire extinguisher sa isang supplier sa mas mataas na halaga.
Bunsod nito, hindi nag-atubiling humingi ng tulong sa NBI-Cebu ang pamunuan ng eskuwelahan at agad na pinlano ang entrapment operation.
Bagamat nakunan ng video ang ginawang pangingikil ng mga suspek sa opisyal ng paaralan ay hindi naman nagbigay ng pahayag ang dalawa hinggil sa kinakaharap nilang kaso.
Napag-alaman din ng NBI na maraming beses na ring nasangkot ang dalawa sa extortion.
The post 2 tauhan ng BFP tiklo sa extortion appeared first on Remate.