NAHOLDAP ang isang ginang ng dalawang hindi pa kilalang mga suspek na kasakay ng una sa jeep sa Valenzuela City, Biyernes ng umaga, Hunyo 13.
Sa pahayag ng biktimang si Rosita Menor, 49, alas-8 ng umaga, kasakay niya sa jeep ang mga suspek at pagsapit sa Kadiwa, Malanday ng lungsod ay naglabas ng mga patalim ang mga huli sabay tutok sa ginang.
Kinuha ng mga suspek ang dalang bag ng biktima na naglalaman ng lisensya, P1,000 at $20 at saka tumakas.
Matapos ito, humingi ng tulong sa pulisya ang ginang ngunit tuluyan nang nakatakas ang mga holdaper.
Inaalam na ng pulisya ang pagkakakilanlan ng mga suspek.
The post Ginang ubos sa holdaper na kasakay appeared first on Remate.