MAHIGIT sa P1M halaga ng shabu na nakalagay sa bag ang natagpuan sa comfort room ng Jollibee sa Caloocan City, Biyernes ng hapon, Hunyo 13.
Sa ulat, alas-3:30 ng hapon nang matagpuan ng crew na hindi na pinangalan ang bag sa loob ng comfort room ng Jollibee Sangandaan Branch sa lungsod.
Ipinaalam sa sekyu ang nakita at dahil sa pangambang bomba ang laman ay itinawag sa mga pulis kung saan nang magdatingan ang mga bomb expert ng Caloocan City Police ay siniyasat ang laman at dinala sa ligtas na lugar.
Nang buksan ay aabot sa isang kilo ng shabu ang laman kung saan inaalam na kung sino ang nag-iwan at tinitingnan ang kuha ng closed circuit television at nagbabakasaling nakuhaan ang may dala ng shabu.
The post P1M shabu nakuha sa CR ng Jollibee appeared first on Remate.