NAGPAKAMATAY sa pamamagitan ng pagtalon sa isang tumatakbong pampasaherong bus ang isang mister sa bayan ng Del Gallego, Naga City kaninang umaga, Hunyo 18.
Dead-on-arrival sa Ragay District Hospital sanhi ng pagkabagok ng ulo ang biktima na si Eulogio Ramos, 52.
Pinag-aaralan naman ng pulisya kung sasampahan ng kaukulang kaso ang bus driver na si Nelson Gonowon.
Sa ulat ng Camarines Sur Police Provincial Office, naganap ang insidente alas-8:45 ng umaga sa national highway ng Barangay Pasay.
Bago ito, sumakay sa bus terminal ng Appple City Bus ang biktima sa pangatlong hanay ng mga upuan. Ang bus ay papuntang Maynila.
Pagsapit sa lugar, biglang tumayo ang biktima saka lumundag palabas ng bus.
Blangko pa ang pulisya kung ano ang nagtulak sa biktima upang magpatiwakal.
The post Mister tumalon sa bus, patay appeared first on Remate.