KALABOSO ang isang lalaki nang tangayin ang nakaparadang motorsiklo ng sekyu sa Caloocan City, Miyerkules ng hapon, Hunyo 18.
Nakilala ang suspek na si Dennis Saballero, 30, ng General Pio Valenzuela St., ng lungsod.
Sa pahayag ng biktimang si Estrelito Fordan, 37, alas-5:30 ng hapon nang iparada niya ang kanyang Honda XRM sa tapat ng canteen ng kanyang hipag sa C. Cordero St., ng lungsod.
Habang nakaupo sa loob ng canteen ay nakita ng biktima na sumakay at ini-start ng suspek ang motorsiklo na naging dahilan upang agad na lumabas sabay sigaw na “Carnapper, Carnapper Harangin ninyo”.
Narinig naman ng mga tambay ang sigaw ng biktima na naging dahilan upang harangin at nadakip ang suspek bago dinala sa presinto kung saan nakuhanan ng sari-saring mga susi ng motorsiklo.
The post Karnaper na tumangay sa motorsiklo ng sekyu, timbog appeared first on Remate.