KALABOSO ang apat na magkakapatid matapos ang isinagawang pagsalakay dahil sa pagpapatakbo ng cyber sex den kung saan gumagamit ng mga kabataan sa Caloocan City, Linggo ng gabi, Hunyo 22.
Kinilala ang mga suspek na sina Clark Ernest Javier, 26, mga kapatid na sina John Paul, 20; Denver, 18, at kapatid na babae na si Nikki, 20, pawang ng Phase 3-C, Kaunlaran Village.
Nabatid na nakatanggap ng impormasyon ang mga pulis hinggil sa pagpapatakbo ng cyber sex ng mga suspek gamit ang mga menor-de-edad dahilan upang salakayin ito alas-10:30 ng gabi.
Pagpasok ng mga pulis sa bahay ng mga suspek ay nadatnan ang iba na gumagawa ng kahalayan sa harap ng computer kung saan naghihintay naman ang iba upang sumalang.
Nabatid na ang bayad ng kanilang costumer ay ipinadadaan sa money transfer bago mag-show ang mga suspek at mga kabataan.
Dinala ang mag-uutol sa presinto at nakatakdang sampahan ng mga kaukulang kaso.
The post Magkakapatid swak sa cyber sex business appeared first on Remate.