WALONG babae at 16 na lalaki na nasa wastong edad ang nasagip ng pulisya sa ikinasang Oplan Magdalena sa Caloocan.
Ito’y matapos isagawa ng Northern Police District sa pangunguna ng District Women and Children’s Desk ang operasyon sa dalawang bar at dalawa pang ibang lugar sa siyudad.
Ayon kay Police Sr. Insp. Lolita Lucas, hepe ng District Women and Children’s Desk (DWCD), dadalhin nila ang mga biktima ng human trafficking sa lokal na social welfare and development upang sumailalim sa counseling.
Gayunman, wala pa silang ebidensya laban sa mga nasalakay na lugar kung talagang nauugnay ang mga ito sa prostitusyon.
Sakaling mapatunayan, kakasuhan ng paglabag sa Republic Act (RA) No. 10364 o Anti-Human Trafficking in Persons Act ang may-ari ng mga bar.
Ngunit pinayuhan na ng pulisya ang mga establishment na dumaan sa tamang proseso at kumuha ng tamang permit mula sa lokal na pamahalaan.
Nakaalerto ang mga pulis sa mga bar o ilang lugar na posibleng kuta ng prostitusyon sa Caloocan.
The post 24 nasagip sa ‘Oplan Magdalena’ sa Caloocan appeared first on Remate.