URDANETA CITY, PANGASINAN – Patay ang isang kolektor ng lending company matapos itong masagasaan ng rumaragasang pampasaherong bug sa Barangay Nancayasan, Urdaneta City kaninang umaga, June 26.
Dead-on-the-spot ang biktimang si Raymund Pataan, 24, ng Villasis, Pangasinan at ang driver ng bus ay nakilalang si Satiago Florendo, ng Barangay Soconi, Bugallon.
Sa imbestigasyon ng Urdaneta police, naganap ang insidente dakong 8:15 ng umaga habang papauwi na ang biktima lulan ng kanyang motorsiklo nang mag-overtake ang bus na hindi napansin ang biktima.
Dahil dito, sinuwag ang biktima at pumailalim sa bus sanhi ng kanyang head and body injuries.
Kasong reckless imprudence resulting to homicide ang isinampa laban sa driver.
The post Rider todas sa bus sa Pangasinan appeared first on Remate.