SINAMPAHAN ng reklamo ng PNP Criminal Investigation and Detection Group – National Capital Region (CIDG-NCR) ang isang yaya matapos nitong ibenta sa halagang P500 at isang ticket ng bus ang isang-taong-gulang na bata.
Kinilala ang yaya na si Angeline Angono, 18, na sinasabing kinidnap ang isang-taong-gulang na batang babae mula Libertad, Pasay at ibinenta ito sa isang babaeng walang anak sa halagang P500 at ticket ng bus patungong Bisaya.
Naaresto si Angono ng mga kagawad ng Highway Patrol Group habang lulan ito ng BLTB bus patungong Leyte nitong nagdaang araw ng Lunes, Hunyo 23.
Narekober naman ang nasabing bata sa isang ospital sa Pasig ng sumunod na araw makaraan itong iwan ng isang babae na nakilala sa pangalang Bale Madrigal.
Laking tuwa naman ng ina ng bata na kinilalang si Jenneth Borre na muli niyang nakasama ang kanyang anak at umaasa itong mabubulok na sa bilangguan si Angono.
Hindi na nagpaunlak ng panayam ang suspek na kasalukuyang nakadetine at sasampahan ng kaukulang kaso.
The post Yaya timbog sa pagbenta ng sanggol appeared first on Remate.