DALAWANG bumbero ang nasugatan makarang masunog ang dating Manila Film Center o The Amazing Show Theater sa Pasay City, Martes ng gabi.
Sa report ngayong umaga sa telebisyon, nagsimula ang sunog mag-aalas-7:00 kagabi sa third floor ng gusali.
Ayon sa Bureau of Fire Protection (BFP), umabot sa 5th alarm ang sunog na ideklarang fire under control pasado alas-9:00 ng gabi.
Wala namang nasugatan sa mga perfomer dahil nakalabas agad sila makaraang makarinig ng pagsabog.
Inaalam pa ang pinagmulan ng sunog at ang halaga ng pinsala nito.