HINDI pa rin matukoy ng mga otoridad ang tunay na motibo sa pamamaril at pagpatay sa isang 39-anyos na pedicab driver sa Sitio Banal, Brgy. Villa-Inocencio, Placer, Masbate.
Ang biktima ay kinilalang si Raul Catampatan ng naturang lugar.
Sa imbestigasyon ng pulisya, napag-alaman na nasa gitna nang pagmamaneho ang biktima nang patigilin ito ng kanyang pasahero sa isang tagong lugar.
Agad naman na naiparada ni Catampatan ang kanyang sasakyan, subalit hindi pa man nakakababa ang hindi pa nakikilalang pasahero ay pinagbabaril na ito sa likurang bahagi ng katawan.
Umabot sa 10 tama ng bala ang tinamo ng biktima na nagresulta sa agaran nitong kamatayan.
The post Pedicab driver inutas sa biyahe appeared first on Remate.