KRITIKAL ang isang lalaki matapos pagsasaksakin ng utol na babae nang mauwi sa pagtatalo ang hindi pag-aambag ng una sa mga gastusin sa bahay Lunes ng gabi, June 30, sa Navotas City.
Inoobserbahan sa Tondo Medical Center (TMC) ang biktimang si Arturo Biongan, 50, ng #06 M. Fernando St., Wawa, Brgy. Tangos ng nasabing lungsod sanhi ng saksak sa dibdib.
Arestado naman sa nasabing pagamutan ang suspek na si Loreta Biongan, 56, mangingisda at nakatatandang kapatid ng biktima na nasugatan sa daliri nang saksakin ang utol.
Sa imbestigasyon ni PO2 Allan Bangayan, dakong 6:50 ng gabi nang maganap ang insidente sa loob ng bahay ng magkapatid sa nasabing lugar.
Dumating umano ang biktima na sinalubong ng sermon ng kanyang ate dahil sa hindi nito pag-aambag sa mga gastusin sa kanilang bahay.
Dito na nauwi sa mainitang pagtatalo ang sermunan hanggang sa kumuha ng kutsilyo ang suspek at sinaksak ang kanyang kapatid na tinamaan sa dibdib.
The post Kelot kritikal sa taga ni ate appeared first on Remate.