ISASAILALIM sa paraffin test at otopsiya ang bangkay ng pulis upang mabatid kung ito’y nagbaril sa sarili sa loob ng kanilang inuupahang silid sa Poblacion, Buyagan, La Trinidad, Benguet.
Kinilala ang biktima na si PO1 Joshua Besoy Bomal-o, 26, walang asawa, tubong Taccong, Sagada, Mt. Province, residente ng naturang lugar at miyembro ng Regional Public Safety Battalion, 2nd Maneuver Company na naka-base sa Babalaan, Tadian, Mt. Province.
Ayon sa imbestigasyon ng mga awtoridad, nasa loob umano ng kanilang inuupahang silid ang biktima kasama ang ka-live-in nito na si PO1 Vandamme Marian Bangachon Banayon, 23, at nakatalaga sa Ifugao Provincial Public Safety Company nang makatanggap ang kanyang ka-live-in ng tawag mula sa kasamahan nito sa Ifugao.
Habang abala ang si Banayon na sumasagot sa tawag, dito naman kinuha ng biktima ang kanyang .9mm issued rifle at itinutok sa sarili.
Nagulat na lamang si Banayon sa narinig nitong putok ng baril at nakitang bumagsak ang biktima sa sahig.
Agad humingi ng tulong si Banayon sa kanilang mga kapitbahay at dinala sa Benguet General Hospital ang biktima ngunit nilipat sa Saint Louis Hospital na binawian din ng buhay.
The post Pulis na nagpatiwakal, bubusisiin appeared first on Remate.