ISANG parking attendant ang natagpuang patay ng kanyang anak kaninang madaling-araw sa Quiapo, Maynila.
Kinilala ni SPO1 Charles John Duran, imbestigador ng MPD-Homicide, ang biktimang si Esmeraldo Fajardo, 53, ng 215 P. Blanco St., Quezon Boulevard, Maynila.
Sa report ni Duran, alas-12:05 ng madaling-araw nang matagpuang patay ang biktima na nakahiga sa kanyang kariton.
Huli umanong nakitang buhay ang biktima ng kanyang anak na si Jhoyme Fajardo alas-12:00 ng hatinggabi.
Wala namang nakitang anomang sugat sa katawan ng biktima.
Hinihinalang namatay umano ang biktima dahil sa sakit nitong tuberculosis.
The post Parking attendant patay sa TB appeared first on Remate.