MAPANDAN, PANGASINAN – Kalaboso at tanggal sa serbisyo ang deputy chief of police ng nasabing bayan matapos barilin ang isang pulis nang walang maibigay na escort kay Vice Mayor Carlito Morales.
Kinilala ng Mapandan Police Station ang suspek na si Police Insp. Benigno Aquino, Jr. Inakusahan siya sa pagbaril sa isang pulis na si SPO1 Gil Solomon sa mismong loob ng police station.
Sa imbestigasyon, inutusan ni Aquino si Solomon upang humanap ng mage-escort kay Morales para umattend sa isang party.
Nang walang mahanap si Solomon na escort, nagalit si Aquino at pinagmumura ang biktima.
Nang sumagot ang biktima, biglang bumunot ng baril ang suspek at binaril ang biktima.
Itinakbo sa pinakamalapit na ospital ang biktima habang hawak ng Pangasinan Police Provincial Office ang suspek na nahaharap sa kasong frustrated murder.
The post Hepe na namaril ng kapwa pulis, kalaboso appeared first on Remate.