NADAKIP ang isang babaeng hinihinalang tulak ng iligal na droga nang mahulihan ng droga sa pakete ng sigarilyo sa Quezon City kaninang madaling-araw, Hulyo 11, Biyernes.
Sa report ni Chief Superintendent Ariel Capocao, kinilala ang nadakip na si Teresita Altoveros, 54, ng 016 Kasoy St., Brgy. Commonwealth, QC.
Ayon kay Capocao, dakong 3:30 ng madaling-araw nang may lumapit na informant sa Police Community Precinct-3 ng Barangay Culiat sa nnaka-duty na pulis hinggil sa pagdadala ni Altoveros ng hinihinalang shabu.
Agad pinuntahan ni Capili ang suspek na tila balisa at may itinatago. Nang komprontahin si Altoveros ay bigla niyang itinapon ang isang pakete ng sigarilyo na natuklasang naglalaman ng isang sachet ng shabu at nakatuping aluminum foil bukod sa pitong pirasong sigarilyo.
Inaresto ang suspek at ikinulong sa naturang presinto na nahaharap sa kasong paglabag sa Republic Act 9165.
The post Bebot, dakip sa shabu sa yosi appeared first on Remate.